✨ Candlelight Baku Concerts — Bakıda ilk yerli şam işığı konsertlərinin əsasını qoyan və klassik musiqini özünəməxsus konseptlə təqdim edən layihədir. Azərbaycanın peşəkar musiqiçilərinin canlı ifasında təşkil olunan konsertlər tamaşaçılara musiqi və incəsənətlə zəngin unudulmaz axşamlar bəxş edir.
🎻 28 noyabr tarixində Bakının ən möhtəşəm tarixi məkanlarından biri olan Kamera və Orqan Musiqisi Zalında (Kirxa) Motsart, Şopen, Bethoven və Vivaldinin ölməz əsərləri şam işığında səslənəcək.
Bu xüsusi gecədə dünya klassik musiqisinin ən sevilən nümunələri fərqli atmosferdə yenidən həyat tapacaq. Yüzlərlə şamın yaratdığı isti işıq, təsirli video instalyasiyalar, tarixi kilsənin ecazkar akustikası və canlı musiqinin ahəngi ilə birləşərək tamaşaçılara unudulmaz sənət təcrübəsi yaşadacaq.
“Motsart, Şopen, Bethoven və Vivaldi axşamı” — klassik musiqinin dörd böyük bəstəkarının yaradıcılığını bir səhnədə birləşdirən xüsusi konsert proqramıdır. Motsartın zərif və ahəngdar melodiyaları, Bethovenin güclü və emosional əsərləri, Şopenin romantik fortepiano musiqisi və Vivaldinin enerjili kompozisiyaları dinləyiciləri müxtəlif dövrlərin musiqi dünyasına səyahətə aparacaq.
Konsert başlamazdan əvvəl qonaqlar tarixi kilsənin memarlığını və şam işığının yaratdığı xüsusi atmosferi yaxından hiss edə, xatirə şəkilləri çəkdirə və gündəlik şəhər həyatından uzaqlaşaraq musiqi dolu axşama köklənə biləcəklər.
Bu gecə klassik musiqinin zərifliyi, canlı ifanın gücü və vizual sənətin harmoniyası bir araya gələrək hər bir qonağa unudulmaz təəssüratlar bəxş edəcək.
⏰ Başlama vaxtı: 19:00
📍 Məkan: Kamera və Orqan Musiqisi Zalı (Kirxa), 28 May küçəsi, 41
Candlelight Baku Concerts — Azərbaycanda şam işığında konsert konseptini ilk dəfə yerli layihə olaraq həyata keçirən musiqi platformasıdır. 2023-cü ildən fəaliyyət göstərən layihə klassik musiqini, tarixi məkanları və müasir vizual texnologiyaları bir araya gətirərək ölkənin mədəni həyatına yeni nəfəs gətirir.
Layihənin əsas məqsədi dünya musiqi irsini fərqli təqdimat formatında dinləyicilərə çatdırmaq, Azərbaycanın istedadlı musiqiçilərini geniş auditoriyaya tanıtmaq və klassik musiqini hər kəs üçün daha yaxın və əlçatan etməkdir. Candlelight Baku-nun hər konserti musiqi, məkan, işıq və sənətin vəhdətindən yaranan xüsusi bir təcrübədir.
Candlelight Ensemble — Candlelight Baku tərəfindən yaradılmış, fortepiano və genişləndirilmiş simli alətlər heyətindən ibarət peşəkar kamera ansamblıdır. Kollektivin tərkibinə iki skripka, alt, violonçel, kontrabas və fortepiano daxildir. Beynəlxalq və respublika müsabiqələrinin laureatlarını, eləcə də Əməkdar artistləri bir araya gətirən ansambl yüksək ifaçılıq səviyyəsi və zəngin repertuarı ilə seçilir. Musiqiçilərin ustalığı, zərif ansambl səslənməsi və şam işığının yaratdığı xüsusi səhnə atmosferi hər konserti fərqli və yaddaqalan edir.
🎟️ Yerlərin sayı məhduddur.
28 noyabr tarixində keçiriləcək bu xüsusi klassik musiqi axşamında iştirak etmək üçün biletlərinizi əvvəlcədən əldə etməyi unutmayın!
🎶 Candlelight Baku Concerts Instagram səhifəsini izləyərək qarşıdan gələn konsertlərimizdən xəbərdar olun. Bakının tarixi və memarlıq baxımından seçilən məkanlarında şam işığı, canlı musiqi və multimedia instalyasiyalarının birləşdiyi yeni musiqi təcrübələrini bizimlə kəşf edin.
