Bu tədbir QR bilet formasında və ya fiziki bilet olaraq şəhərin kassalarında satılır. QR biletlər tədbir günü aktiv olacaqdır. QR biletlərinizi istifadə etmək üçün iTicket.AZ mobil tətbiqində şəxsi hesabınıza daxil olmalısınız.
QR bilet haqqında daha ətraflı:  QR bilet

Etibar Əsədli — caz, muğam və elektron motivləri birləşdirən pianoçu və bəstəkardır. Növbəti layihəsi Bakı Dövlət Akademik Filarmoniyasında təqdim olunacaq. Konsertdə Caz Trio, Bakı Qızlar Xoru və xüsusi qonaq, Azərbaycan Respublikasının Əməkdar artisti Şəhriyar İmanov iştirak edəcək.

Bu layihə həmçinin Azərbaycan xor sənətinə həsr olunur və bu il ölkəmizdə xor ənənəsinin 60 illik yubileyi münasibətilə xüsusi təqdimat kimi səhnəyə qoyulacaq.

Bakıda təhsil alan, daha sonra Parisdə caz təhsilini davam etdirən Etibar Əsədli caz və muğamın kəsişməsində özünəməxsus musiqi dilini formalaşdırmışdır. O, Fransanın nüfuzlu səhnələrində çıxışlar edib və Improbox layihəsində İbrahim Maalouf tərəfindən “musiqi dünyasında ən çox bəyəndiyim musiqiçilərdən biridir” sözləri ilə təqdim olunub.

Onun adı həmçinin Fransanın aparıcı mədəniyyət kanalı ARTE TV-də və məşhur caz radio stansiyası TSF Jazz-ın proqramlarında yer alıb.

Etibar Əsədlinin canlı ifaları dinləyicini düşüncəli, emosional və zəngin musiqi məkanına dəvət edən, dərin və təsirli bir dinləmə təcrübəsi yaradır.