“Vyanadan Bakıya” – musiqi səyahəti
Estrada-Simfonik Orkestrinin müşaiətilə Avropa caz ənənəsi Azərbaycan musiqisinin rəngləri ilə bir səhnədə görüşür. Bəstəkar və aranjimançı Markus Geiselhartın təqdim etdiyi bu xüsusi proqramda müasir orkestr cazı, improvizasiyalar və milli musiqi çalarları birləşir.
Konsertdə Geiselhartın müəllif əsərləri ilə yanaşı, Rafiq Babayevin “Parafraz”, Elbəy Məmmədzadənin “Qarabağ Çalarları”, Rauf Hacıyevin “Azərbaycanım” əsərləri, eləcə də xarici bəstəkarların yaradıcılığından ilhamlanan xüsusi aranjimanlar səslənəcək.
Trumpet, saksofon, fortepiano, zərb alətləri və Azərbaycan milli musiqi alətlərinin harmoniyası ilə zənginləşən bu gecə Azərbaycan milli musiqisindən caza, Vyanadan Bakıya uzanan unikal musiqi təcrübəsi təqdim edir.
Çıxış edirlər:
🎷 Solo alt saksafon – Azad Quliyev (Əməkdar artist)
🎺 Solo trumpet – Firudin Həmidov
🎵 Solo tar – Atabəy İsmayılov
🎶 Solo zurna və tütək – Hakim Abdullayev
🎹 Solo fortepiano – Afşin Əlizadə, Elbəy Məmmədzadə, Əli Cəfərzadə
🎤 Vokal – Fəxri Kazım-Nicat
