Qadınlar üçün xoş ovqat yaratmaq, onların könlünü oxşamaq təkcə zərurətdən deyil, onlara olan böyük rəğbət və sonsuz məhəbbətdən irəli gəlir. Odur ki, tanınmış bədii qiraət ustası Xəzər Süleymanlının 8 mart Beynəlxalq Qadınlar Gününə həsr etdiyi “Sənin üçün” musiqili poeziya gecəsi zərif xanımlarımıza yüksək insani hisslərimizi bir daha ötürmək üçün böyük bir fürsət yaradır. Ölkədə ilk dəfə unikal musiqili ədəbi-bədii gecə formatında keçiriləcək tədbirdə sevilən şairlərin məşhur şeirlərini “Avanqard” orkestri müşayiət edəcəkdir. Həmin gün qadınları təəccübləndirmək və maraqlı hədiyyə ilə sevindirmək istəsəniz onları mütləq şeir, musiqi və rəqsin vəhdətindən doğan möhtəşəm gecəmizə dəvət edin.