Noyabrın 23-də Heydər Əliyev Sarayında Xalq artisti Mirzə Babayevin 110 illik yubileyinə həsr olunmuş möhtəşəm konsert proqramı keçiriləcək.
Yubiley gecəsində Azərbaycanın tanınmış mədəniyyət və incəsənət nümayəndələri, Xalq artistləri Azər Zeynalov, Brilliant Dadaşova, Mübariz Tağıyev, Sərxan Sərxan Əməkdar artistlər Rəşad İlyasov, Gülüstan Əliyeva, Elton Hüseynəliyev, Lalə Məmmədova, Aqşin Abdullayev, Arzu Əliyeva, Abbas Bağırov, tanınmış müğənnilər Zabitə Alıyeva, Zamiq, Ayşən Mehtiyeva, Vüsal Hacıyev, Nərmin Məmmədli, Arzu Həsənli, İsmayıl Zeynalov, “Qaytağı”instrumental ansamblı, Qaya ansamblı və başqaları çıxış edəcəklər.
Yubileydə Mirzə Babayevin ifasında hər kəsin qəlbini ovsunlayan, yaddaşlara əbədi həkk olan unudulmaz mahnılar “Liman”, “Saçlarına gül düzüm”, “Sən uzaq, yaşıl ada”, “Kimlər gəldi, kimlər getdi”, “Kəpənək”, “Zəfəran”, “Çay” və sairə müğənnilərin ifasında səslənəcək.
Saat 19:00-da başlayacaq yubiley konsertinin biletlərini şəhərin kassalarından və iticket.az saytından onlayn əldə edə bilərsiniz.
