Noyabrın 5-6-da Azərbaycanda ilk dəfə Yunan-Roma güləşi üzrə Dünya Kuboku keçiriləcək.

Bakı İdman Sarayında təşkil olunacaq yarışda 6 komanda 2 qrupda mübarizə aparacaq. A qrupunda Türkiyə, İran və Qırğızıstan, B qrupunda isə Azərbaycan, Serbiya və Dünya yığması yer alıb.

Noyabrın 5-də qrup görüşləri keçiriləcək. Noyabrın 6-da qruplarında ikinci yeri tutan komandalar bürünc medal görüşündə üz-üzə gələcək. Qrup qalibləri isə finalda kubok uğrunda mübarizə aparacaqlar.