Mayın 13-də saat 18:00-da Tofiq Bəhramov adına Respublika stadionunda "Sabah" və Türkiyənin "Beşiktaş" klubları arasında yoldaşlıq oyunu keçiriləcək. 

 

“Beşiktaş” Türkiyənin ən köklü klublarından biridir. 1903-cü ildə əsası qoyulan İstanbul təmsilçisi 16 dəfə Türkiyə çempionu olub, 10 dəfə ölkə kubokunu, 9 dəfə isə superkubokunu qazanıb. Türkiyəni dəfələrlə avrokuboklarda təmsil etmiş “ağ-qaralar” ölkənin ən titullu klublarından biridir. “Beşiktaş” hazırda Türkiyə Super Liqasında 3-cü pillədə qərarlaşıb. 

 

Azərbaycanın ən gənc klublarından olan “Sabah” Futbol Klubu sərgilədiyi oyunla yerli futbolsevərlərin rəğbətini qazanıb. Hazırda Azərbaycan Premyer Liqasında ikinci pillədə qərarlaşan Bakı təmsilçisi çempionatın bitiminə 4 tur qalmış gümüş medalları təmin edib. “Sabah” növbəti mövsümdə tarixində ilk dəfə Azərbaycanı avrokuboklarda təmsil edəcək. 

 

“Beşiktaş” və “Sabah” arasında baş tutacaq yoldaşlıq oyunu xeyriyyə xarakteri daşıyacaq. Belə ki, matçdan əldə ediləcək bütün gəlir Türkiyədə zəlzələdən zərər çəkmiş insanlara yardım olaraq göndəriləcək.

 

Mayın 13-də Tofiq Bəhramov adına Respublika stadionuna gəlməklə, həm qardaş Türkiyədə zəlzələdən zərər çəkmiş insanlara öz dəstəyinizi nümayiş etdirə, həm də son vaxtlar sərgilədikləri oyunları futbolsevərlərin rəğbətini qazanmış “Sabah” və “Beşiktaş” arasında keçiriləcək matçın atmosferini yerində yaşaya bilərsiniz.

VİP C və D zonasının üstünlükləri:

 

- Stadiona daxil olmaq üçün xüsusi giriş;

- Tribunalarda yumşaq və geniş oturacaqlar;

- Yalnız VİP bilet sahibləri üçün ayrılmış xüsusi istirahət zonası;

- Ləziz qəlyanaltılar və eksklüziv yemək menyusu;

- DJ ifası və əyləncəli musiqi proqramı;

- İstirahət zonası matçdan 1 saat əvvəl, matç ərzində və matçdan sonra 30 dəqiqə ərzində fəaliyyət göstərir.