Azərbaycan çempionatlarında FİNAL həyəcanı.
22-23 aprel tarixlərində kişi və qadın voleybolçular arasında Azərbaycan çempionatlarının final oyunları keçiriləcək. Bakı İdman Sarayında təşkil olunacaq final qarşılaşmaları 2023-2024-cü illər mövsümünün qaliblərini müəyyən edəcək.
Aprelin 22-də saat 16:00-da kişi voleybolçular, aprelin 23-də saat 16:00-da isə qadın voleybolçular çempionluq üçün meydana çıxacaqlar.
Proqrama uyğun olaraq qadınların final matçından dərhal sonra mükafatlandırma mərasimi (həm qadınlar, həm də kişilər) və Azərbaycan çempionatlarının bağlanış mərasimi keçiriləcək.