Bu tədbir QR bilet formasında və ya fiziki bilet olaraq şəhərin kassalarında satılır. QR biletlər tədbir günü aktiv olacaqdır. QR biletlərinizi istifadə etmək üçün iTicket.AZ mobil tətbiqində şəxsi hesabınıza daxil olmalısınız.
QR bilet haqqında daha ətraflı:  QR bilet

“III Riçard”

Yaş həddi: 16 +

Müəllif: Uilyam Şekspir

Quruluşçu rejissor: Xalq artisti Cənnət Səlimova

Əsas rolların ifaçıları: Əməkdar artistlər Şövqi Hüseynov, Elnur Kərimov,  Elnur Bəhramxan, Mehriban Abdullayeva, Nəsibə Eldarova, Güşvər Şərifova, Gülər Nəbiyeva, artistlərdən Rəşad Səfərov, Vahid Orucoğlu, Elşən Hacıbabayev, Natiq Fərzəliyev, Kərəm Hadızadə, Ramil Şamiloğlu, Hilal Dəmirov, Anar Səfiyev, Elgün Yəhyayev, Mirzə ğa Mirzəyev, Ayxan və Kənan Kərimovlar  və başqaları.

Janr: iki hissəli faciə

Tamaşanın müddəti:  I hissə - 1 saat 10 dəqiqə

                                  II hissə - 1 saat

    Tamaşa vicdan hissindən məhrum, taxt-taca sahib olmaq üçün doğmalarını belə öldürməkdən çəkinməyən, cinayətləri ilə ad çıxaran, səhnəyə gah Stalin, gah Hitler kimi çıxan III Riçardın hərisliyindən bəhs edir.

    Riçardın məhv etdiyi insanlar gözünə görünür. Onlar xahiş edirlər ki,  qılıncını yerə qoysun, daha nahaq qan tökməsin. Onu vicdanlı olmağa səsləyənlərə:  “Vicdan boş şeydir!”-deyən Riçard hətta: “Cənnətə olmasa da, Cəhənnəmə irəli!”- deyib insanları ölümə sürükləyir.

    Bu qan-qadaya  xalqın içindən çıxmış, qəhrəman, ağıllı, təmkinli, həm də çox cəngavər bir igid - Riçmond son qoyur. O, ölkədə bütün sahədə ədaləti bərpa edir və xalqının xilaskarına çevrilir.