PƏLƏNG
Dünyaya bir itin gözündən baxmağa hazırsınızmı?
“Pələng” insan dünyasına bir itin baxış bucağından nəzər salan, sədaqət və xəyanət, mərhəmət və qəddarlıq, ədalət və haqsızlıq arasında qalan bir hekayədir.
O, insanlara inanır.Sədaqət göstərir.Sevir və qarşılığında yalnız anlayış gözləyir.
Amma insan dünyasında hər şey göründüyü kimi deyil...
Xəyanəti, haqsızlığı, laqeydliyi və özünə qarşı edilən rəftarı yaşayan bir itin gözlərindən insanı görməyə başlayırıq. Bəzən onun susmağında böyük bir fəryad, baxışlarında isə insanların unutduğu bir həqiqət görünür: sədaqət sözlə deyil, davranışla ölçülür.
“Pələng” sadəcə bir itin hekayəsi deyil.
Bu, insan olmağın nə demək olduğunu bizə başqa bir canlıya baxaraq xatırladan bir tamaşadır.
Bəlkə də bu dəfə səhnədə bizi ən yaxşı tanıyan insan deyil, it olacaq.
🎭 “Pələng” — Kukla Teatrında.
Səhnədə sizi düşündürəcək, hiss etdirəcək və özünüzə başqa gözlə baxmağa vadar edəcək bir hekayə.
