Könüllü əsgər Vüqar əsgər dostu Aslanla birlikdə, azad edilmiş kəntdə, dağılmış evdə gizlənmiş düşmən əsgərinə rast gəlirlər. Zirzəmiyə qumbara ataraq onu öldürmək an məsələsidir. Lakin yaranan qısa ünsiyyətdən sonra, ölümlə həyat arasında qalmış düşmən əsgərinin keçirdiyi sarsıntılar, Vüqarı fikrindən döndərir. Onun qəlbində mərhəmət hissi baş qaldırır və o düşmən əsgərini əsir götürmək qərarına gəlir.
Tamaşada istənilən çətin vəziyyətlərdə insan olaraq qalmağı bacaran, mərhəməti, cəsarəti, bütün insani keyfiyyətləri ilə, düşmən əsgərindən üstün olan Azərbaycan əsgərinin ümumiləşmiş obrazı yaradılıb.
