Bu tədbir QR bilet formasında və ya fiziki bilet olaraq şəhərin kassalarında satılır. QR biletlər tədbir günü aktiv olacaqdır. QR biletlərinizi istifadə etmək üçün iTicket.AZ mobil tətbiqində şəxsi hesabınıza daxil olmalısınız.
QR bilet haqqında daha ətraflı: QR bilet
“Dəlinin qeydləri, yaxud fortopiano və violonçel üçün sonata”
Yaş həddi: 18+
Müəllif: N.Qoqol, A.Snitke
Quruluşçu rejissor: Cənnət Səlimova (Xalq artisti)
Janr: psixoloji dram
Tək ifa: Şövqi Hüseynov (Əməkdar artist)
Tamaşanın müddəti: 50 dəqiqə
Bu əsərdə müəlliflər xəyali olsa da, insanlar arasında olan sosial bərabərsizliyi aradan götürmək üçün atılan addımdan söhbət açırlar. Milli Gənc Tamaşaçılar Teatrının cari repertuarına daxil edilmiş eyniadlı tamaşa da məhz bu ideya üzərundə təcəssüm tapmışdır.
Kimsə tərəfindən tanınmayan müfəttiş Poprışen sosial ədalətsizliyi aradan götürmək üçün vəzifəcə özündən çox üstün olan rəisinin qızı ilə evlənmək qərarına gəlir. O, xəyali dünyasında İspaniyanın kralı, dünyanı idarə edən nurlu bir şəxsiyyətə çevrilir.
Poprışen dünyasını çoxdan dəyişmiş anasının səsini eşidir. Bu səs də xəstə varlığın ruhunu xilas edə bilmir, çünki onu yaşadığı bu dünyanın adamları da eşitmirlər.
Müəlliflər bununla demək istəyirlər ki, insanlar arasında hüquqi bərabərlik olmasa da, humanizm bərabərliyini gözləmək, bir-birinə dəstək olmaq vacibdir.
Böyük istedad sahibi, dünyanın bir sıra festivallarının laureatı, tək ifa üzrə mahir ifaçı Əməkdar artist Şövqi Hüseynov Poprışenin bütün psixofizioloji gerçəkliyini real təcəssüm cizgiləri ilə təvsir edir. “Dəlinin qeydləri, yaxud fortopiano və violonçel üçün sonata” məhz buna görədir ki, 30 ildən çoxdur ki, tamaşaçıların sevimli tamaşası kimi cari repertuarda yaşayır.
