Bu tədbir QR bilet formasında və ya fiziki bilet olaraq şəhərin kassalarında satılır. QR biletlər tədbir günü aktiv olacaqdır. QR biletlərinizi istifadə etmək üçün iTicket.AZ mobil tətbiqində şəxsi hesabınıza daxil olmalısınız.
QR bilet haqqında daha ətraflı: QR bilet
Pamela Trevers. “Meri Poppins”
Yaş həddi: 5+
Müəllif: Pamela Trevers
Quruluşçu rejissor və tərcümə müəllifi: Ayla Osmanova
Quruluşçu rəssam: Nisə Həsənova
Əsas rolların ifaçıları: Zemfira Əbdülsəmədova, Aydan Həsənzadə, Elşən Şıxəliyev, Zümrüd Quliyeva, Xəyalə Qasımova, Hüseyn Bayramov, Xaliq Bəkirov
Janr: nağıl-tamaşa
Tamaşanın müddəti: birhissəli - 1 saat
Pamela Treversin “Meri Poppins” tamaşasında naməlum məkandan gələn qeyri-adi dayə Meri Poppinsdən və onun iki dəcəl uşağı necə ram etməsindən söhbət açılır.
Meri dəcəlləri özünün sehirli dünyasına aparır, müxtəlif sirli məkanlarda gəzdirir, onlara səma cisimləri haqqında danışır. Uşaqlar gah Merinin, gah onun dayısı Qıvırcığın, gah da Dovşanın sınaqlarından keçirlər. Dayə, eyni zamanda, balalara oxumağın, oynamağın, əylənməyin sirlərini öyrədir. Nəticədə, dəcəl Maykl və bacısı Ceyn dayələrini sevir, onun köməyi ilə davranış qaydalarının sirlərini öyrənirlər.
Pamela Trevers Merinin simasında bizə uşaqlarla səmimi olmağı, nəyi isə öyrədərkən, onların kövrək dünyasından dünyaya baxmağı məsləhət görür.
Tamaşanı əyləncəli oyunlar, gözəl musiqi nümunələri, rəqslər müşayiət edir.
