Bu tədbir QR bilet formasında və ya fiziki bilet olaraq şəhərin kassalarında satılır. QR biletlər tədbir günü aktiv olacaqdır. QR biletlərinizi istifadə etmək üçün iTicket.AZ mobil tətbiqində şəxsi hesabınıza daxil olmalısınız.
QR bilet haqqında daha ətraflı: QR bilet
Pyer Bomarşe. “Fiqaronun toyu”
Yaş həddi: 18+
Müəllif: Pyer Bomarşe
Quruluşçu rejissor və səhnə redaksiyasının müəllifi: Nicat Mir Kazımov (Əməkdar artist)
Quruluşçu rəssam: Mustafa Mustafayev
Rəqslərin quruluşu: Nailə Məmmədzadə (Əməkdar artist)
Əsas rolların ifaçıları: Bəhram Əliheydər, Sənan Kazımov, Aydan Həsənzadə, İlahə Həsənova, Rasim Cəfər (Əməkdar artist), Manaf Dadaşov, Kəmalə Müzəffər (Əməkdar artist), Zülfiyyə Alhüseynova, Nurlan Süleymanlı, Hüseyn Bayramov, Sevinc Əziz, Təhminə Məmmədova, İlham Əsədov (Əməkdar artist), Elnur Bəhramxan (Əməkdar artist), Ramil Şamiloğlu, Anar Seyfullayev, Elşən Şıxəliyev, Ceyhun Məmmədov, Fəridə Qurbanova, Anar Səfiyev, Aydın Dəmirov, Mətləb Abuşov, İlhan Sadıqov, Tahir İsmayılov, Ramiq Nəsirov
Janr: komediya
Tamaşanın müddəti: - ikihissəli
I hissə- 1 saat
II hissə-1saat 10 dəqiqə
Dünya teatrlarının sevimli tamaşası olan Bomarşenin “Fiqaronun toyu” Azərbaycanda ilk dəfə 1940-cı ildə Akademik Milli Dram Teatrında hazırlanmışdır. Azərbaycan Dövlət Milli Gənc Tamaşaçılar Teatrı dünyanın ən mötəbər səhnələrində oynanılan bu əsərə 83 ildən sonra müraciət edərək, 2024-cü ilin repertuar planına salmışdır.
Çox maraqlı süjet xətti olan bu komediyada ətrafındakı bütün qadınlara şəhvət düşgünlüyü ilə baxan Qraf Almaviva Süzannaya meylini salıb və onun Fiqaro ilə toyuna mane olmaq istəyir.
Tamaşada Qrafla Fiqaro arasında baş verən münaqişə komik nüanslarla zəngindir. Süzanna, Fiqaro və Qrafinya yolunu azmış Qraf üçün tələ qururlar. Qraf da öz hiyləsi ilə düşünür ki, Kiqrafinyanın sədaqəsizliyini üzə çıxara biləcək. Lakin Qrafın hiyləsi baş tutmur, qapı arxasından Süzannanın çıxdığını görən qraf pərt olur.
Qraf Almavivanın qulluqçusu Fiqaro və onun nişanlısı, onlarla əlbir olan xidmətçi sahiblərindən daha ağıllı, daha düşüncəlidirlər. Məhz ona görə də bütün maneələri məharətlə dəf edə bilirlər.
Nəhayət, Süsanna ilə görüşə nail olan Qraf öz bağçasında onun yolunu gözləyir. Qrafinya Süzannanın paltarında Qrafın görüşünə gedir. Qraf Süzanna əvəzinə Qrafinyanı görəndə çaşır, xanımından üzr istəyir. Qrafinya onu bağışlayır. Süzanna isə Qarafinyanın paltarında Fiqaronun görüşünə gəlir. Qəlbi narahat Fiqaro Süzannanı özgə paltarında görüb onu tanıyır, sevgilisi haqqında yanlış fikirlərə düşdüyünə görə peşiman olur.
Məzhəkə üslubunda hazırlanan tamaşada məşhur bəstəkarlar – Motsart və Rossininin musiqilərindən istifadə olunmuşdur.
Bir oyun kimi qurulan bu tamaşa insanlara sevgidə, ailədaxili münasibətlərdə sədaqətli olmağı tövsiyə edir.
