Bu tədbir QR bilet formasında və ya fiziki bilet olaraq şəhərin kassalarında satılır. QR biletlər tədbir günü aktiv olacaqdır. QR biletlərinizi istifadə etmək üçün iTicket.AZ mobil tətbiqində şəxsi hesabınıza daxil olmalısınız.
QR bilet haqqında daha ətraflı: QR bilet
Gəncə Dövlət Tarix-Mədəniyyət Qoruğu şəhərin zəngin tarixini, memarlığını və görkəmli şəxsiyyətlərini əks etdirən mühüm mədəni irs obyektlərini birləşdirir.
Nizami Gəncəvi Məqbərəsi — Gəncənin ən məşhur simvollarından biri və Azərbaycanın ən mühüm tarixi abidələrindən biridir. Məqbərə dahi Azərbaycan şairi və mütəfəkkiri Nizami Gəncəviyə həsr olunub. Dünyaca məşhur “Xəmsə” əsərinin müəllifi olan Nizaminin yaradıcılığı dünya ədəbiyyatında xüsusi yer tutur. Kompleks yaşıllıqlarla əhatə olunmuş ərazidə yerləşir və hər il minlərlə turist, tədqiqatçı və poeziya sevərlər tərəfindən ziyarət olunur. Bu məkan yalnız tarixi abidə deyil, həm də mühüm mədəniyyət mərkəzi hesab olunur.
İş qrafiki:
Bazar ertəsindən - bazar gününədək: 09:00 – 18:00
Nizami Gəncəvi Muzeyi — böyük şairin həyatına, yaradıcılığına və ədəbi irsinə həsr olunmuş mədəni-tarixi məkandır. Muzeyin ekspozisiyası ziyarətçiləri Nizaminin həyatının müxtəlif mərhələləri, əsərləri, nadir materiallar, tarixi sənədlər, incəsənət nümunələri və şairin yaşadığı dövrü əks etdirən eksponatlarla tanış edir. Muzey Nizami Gəncəvinin dünya ədəbiyyatı və mədəniyyətinə verdiyi töhfələri daha yaxından öyrənmək imkanı yaradır.
İş qrafiki:
Çərşənbə axşamından - bazar gününədək: 09:00 - 18:00
“Gəncə Qala Qapıları” Arxeologiya və Etnoqrafiya Muzeyi Abidə Kompleksi — şəhərin çoxəsrlik tarixini əks etdirən maraqlı mədəni-tarixi məkanlardan biridir. Kompleksdə arxeoloji tapıntılar, məişət əşyaları, müxtəlif dövrlərə aid mədəniyyət və ənənələri əks etdirən eksponatlar nümayiş olunur. Xüsusilə Gəncə Qala Qapıları şəhərin qədim tarixinin əsas simvollarından biri hesab olunur və Gəncənin Böyük İpək Yolundakı mühüm rolunu xatırladır.
İş qrafiki:
Bazar ertəsindən - bazar gününədək: 09:00 – 17:00
BU TƏDBİRƏ ƏLDƏ EDİLƏN BİLETLƏR DƏYİŞDİRİLMİR VƏ YA QAYTARILMIR.
