Romantik komediyaların ən sevilən nümunələrindən biri olan "10 günə oğlanı necə itirməli" sizi sevgi, yumor və gözlənilməz hadisələrlə dolu əyləncəli bir hekayəyə aparır.
Jurnalist Endi Anderson yeni məqaləsi üçün cəmi on gün ərzində bir kişini özündən uzaqlaşdırmağın yollarını sınaqdan keçirməyə qərar verir. Eyni zamanda reklam mütəxəssisi Ben Berri isə istənilən qadını özünə aşiq edə biləcəyinə dair mərcə girir. Bir-birinin planlarından xəbərsiz olan bu iki insanın yolları kəsişir və hər şey gözlənilməz məcraya yönəlir.
Ekrandakı ulduzların səmadakı ulduzlar kimi parladığı SkyCinema-ya xoş gəlmisiniz!
Buzovnada dənizkənarında yerləşən avtosinemamızda ekran ölçüsü 80 kvadrat metr təşkil edir. Dənizkənarı qum avtomobillərin dayanması üçün uyğundur.Avtomobillərə səs radiodalğalar vasitəsilə birbaşa ötürüldüyündən, hər bir müştəri rus, türk və ingilis dublyajları arasında seçim edə bilər. Qəlyanaltı və içkilərinizi özünüzlə gətirə bilərsiniz. Eyni zamanda, qəlyanaltı və içkilər təqdim olunan SkyCafe də xidmətinizdədir.
SkyCinema film izləməyi daha əyləncəli və daha atmosferli edən sevimli məkanınıza çevriləcək. Hər gəlişinizin yadda qalan xüsusi hadisə olacağı, açıq səma altında əbədi hekayələrin canlandığı SkyCinemada bizə qoşulun.
Ulduzların altında görüşənədək!
