Təqdim olunan konsert proqramı dünya opera klassikasının, italyan vokal lirikasının, rus romansının və Azərbaycan musiqisinin seçilmiş nümunələrini özündə birləşdirir. Proqramda müxtəlif dövrləri və musiqi üslublarını təmsil edən görkəmli bəstəkarların əsərləri yer alır. Opera bölməsində Çileanın, Sen-Sansın, Əmirovun, Çaykovskinin və Bizenin yaradıcılığından ariyalar və vokal nömrələr təqdim olunur. Bu əsərlər musiqi dramaturgiyasının zənginliyi və vokal ifadə imkanlarının genişliyi ilə seçilir. İtalyan vokal lirikası və neapolitan mahnıları proqramın emosional və melodik rəngarəngliyini artırır. Rus romansları isə dərin lirizmi və incə hiss dünyası ilə diqqəti cəlb edir. Azərbaycan musiqisi Tofiq Quliyev və Müslüm Maqomayevin sevilən əsərləri ilə təmsil olunur. Milli musiqi nümunələri proqramın bədii məzmununu zənginləşdirərək onun milli koloritini ön plana çıxarır. Müxtəlif janr və üslubların vəhdəti konsertdə bütöv və rəngarəng musiqi mənzərəsi yaradır. Konsertin əsas məqsədi dünya və Azərbaycan musiqi irsinin təbliği, vokal sənətinin zənginliyinin və bədii-estetik dəyərinin nümayiş etdirilməsidir.

Bu tədbir QR bilet formasında və ya fiziki bilet olaraq şəhərin kassalarında satılır. QR biletlər tədbir günü aktiv olacaqdır. QR biletlərinizi istifadə etmək üçün iTicket.AZ mobil tətbiqində şəxsi hesabınıza daxil olmalısınız.
QR bilet haqqında daha ətraflı:  QR bilet