Bu tədbir QR bilet formasında və ya fiziki bilet olaraq şəhərin kassalarında satılır. QR biletlər tədbir günü aktiv olacaqdır. QR biletlərinizi istifadə etmək üçün iTicket.AZ mobil tətbiqində şəxsi hesabınıza daxil olmalısınız.
QR bilet haqqında daha ətraflı: QR bilet
Eclipse Con — cosplay, anime, oyunlar, komikslər, kino və müasir geek mədəniyyətini sevənləri bir araya gətirən yeni nəsil pop-mədəniyyət festivalıdır. Bu festival hər kəsə böyük yaradıcı icmanın bir hissəsi olmaq, həmfikirlərlə tanış olmaq və sevdiyi dünyaların unikal atmosferini yaşamaq imkanı yaradır.
Festival iştirakçılarını zəngin və rəngarəng proqram gözləyir: möhtəşəm cosplay şousu və müsabiqə çıxışları, festival iştirakçılarının səhnə performansları, K-pop və rəqs nömrələri, həmçinin tamaşaçılar üçün müxtəlif interaktiv əyləncələr və müsabiqələr.
Tədbir çərçivəsində merch məhsulları, aksesuarlar və əl işlərinin təqdim olunacağı tematik yarmarka fəaliyyət göstərəcək. Bundan əlavə, fotozonalar, cosplayerlərlə görüşlər, hədiyyə tirajları və festival tərəfdaşlarından xüsusi sürprizlər iştirakçılara unudulmaz təcrübə yaşadacaq.
Eclipse Con — yaradıcılığın, fantaziyanın və pop-mədəniyyət sevgisinin insanları bir araya gətirdiyi unikal məkandır. İstər təcrübəli cosplayer olun, istərsə də sadəcə maraqlı və yaddaqalan gün keçirmək istəyin — sizi festivalımızda görməkdən məmnun olarıq!
