Bu tədbir QR bilet formasında və ya fiziki bilet olaraq şəhərin kassalarında satılır. QR biletlər tədbir günü aktiv olacaqdır. QR biletlərinizi istifadə etmək üçün iTicket.AZ mobil tətbiqində şəxsi hesabınıza daxil olmalısınız.
QR bilet haqqında daha ətraflı:  QR bilet

Üzeyir Hacıbəyli

“LEYLİ VƏ MƏCNUN”

(2 pərdəli, 6 şəkilli opera)

Libretto: Üzeyir Hacıbəyli
(Məhəmməd Füzulinin “Leyli və Məcnun” poemasının motivləri əsasında)

Dirijor: Əyyub Quliyev,  Əməkdar artist 
Rejissor: Nicat Kazımov,  Əməkdar artist 
Xormeyster: Sevil Hacıyeva, Əməkdar incəsənət xadimi 
Xoreoqraf - Yuriy Lobaçev, Əməkdar artist 
Solo tar: Elxan Mansurov,  Əməkdar artist 

İştirak edənlər:

Leyli – Aytən Məhərrəmova
Məcnun – Fuad Əzizzadə
Leylinin atası: Rza Xosrovzadə
Leylinin anası: Humay Məmmədova
Məcnunun atası: Təyyar Bayramov, Əməkdar artist
Məcnunun anası: Afaq Ağayeva
İbn salam: Xəyal Hüseynov
Nofəl: Cahangir Qurbanov, Əməkdar artist 
Zeyd: Məhəbbət Səfərov

Operanın qısa məzmunu

I pərdə

Birinci şəkil. Məktəb həyəti.
Qeys məktəbdə oxuduğu Leyliyə aşiq olur. Onlar dərsdən sonra gizlicə görüşürlər. Qeys yüksək dəyərlərlə dolu məhəbbətini Leyliyə etiraf edir və bu sevgidən dönməyəcəyinə and içir. Lakin məktəb yoldaşları onları görüb danlayır, Leylini ondan ayırırlar. Qeysin valideynləri oğullarını sakitləşdirməyə çalışır və söz verirlər ki, qızı onunla evləndirəcəklər.

İkinci şəkil.
Leyli və Qeysin sevgisi dillərə düşür, dedi-qodulara səbəb olur. Bu xəbər Leylinin anasına çatır. O, qızını danlayır və məktəbə getməsini qadağan edir. Məcnunun atası elçi gedir, lakin rədd cavabı alır. Qəm içində olan Məcnun qərara gəlir ki, eşq yolunda hər bir əzaba dözəcək. Başqa qəbilə başçısı İbn-Salam elçiliyə gəlir və “hə” cavabı alır. Leyli fəryad edərək taleyindən şikayətlənir.

II pərdə

Üçüncü şəkil. İbn-Salamın evi.
Leyli ərə köçürülür. Məcnun iztirab içindədir, Leylinin evinin ətrafında dolaşır. İbn-Salam Leyliyə yaxınlaşanda, Məcnunun qəzəbli səsi onu dayandırır. Məcnun içəri daxil olur, lakin qonaqlar tərəfindən qovulur. Ümidsizlik onu səhraya çəkilməyə vadar edir.

Dördüncü şəkil. Səhra.
Məcnun səhrada təkdir, amma bu tənhalıqda eşq dünyasında sükunət tapır. O, Leylinin xəyali ilə yaşayır. Nöfəl adlı sərkərdə onun dərdini anlayır və Leylini qılınc gücü ilə də olsa, ona qaytarmağa söz verir. Lakin Leylinin atası deyir ki, qızı artıq İbn-Salama ərə verilib, Nöfəl vuruşu dayandırır.

Beşinci şəkil. Leylinin ölüm yatağı.
Hicran dərdi Leylini əldən salır. İbn-Salam onun soyuqluğundan gileylənir. Leyli isə bildirir ki, Məcnuna olan sevgisi sönmədikcə, başqasını sevə bilməyəcək. O, Məcnunun xəyalı ilə vidalaşır və iztirab içində dünyasını dəyişir.

Altıncı şəkil. Leylinin məzarı.
Leylinin ölüm xəbərini alan Məcnun ağlayır və Zeyddən xahiş edir ki, onu sevdiyinin qəbrinə aparsın. O, Leylinin məzarı üzərində fəryad edərək fələkdən gileylənir və sevgilisinə qovuşmaq üçün onun məzarını qucaqlayıb can verir.