“Məlikməmməd” tamaşası haqqında
“Məlikməmməd” tamaşası məşhur xalq nağılı əsasında hazırlanmışdır. Uşaqların sevimli nağılı döğma qardaşların bir-birinə, padşah atalarına olan münasibəti və sədaqəti haqqındadır. Xəstə ata bağında bitən və lakin yetişəndə oğurlanan sehrli almalardan yeyib, sağalmaq istəyir. Buna görə oğlanlarıni bir-bir sehrli alma oğrusunu tutmağa göndərir. İki oğul alma oğrusu olan Divi tuta bilməyib, peşimançılıqla geri qayıdırlar. Kiçik oğul Məlikməməd isə, atasının tapşırığını yerinə yetirib, sehrli almaları ona gətirir. Lakin o, almaları atasına gətirməklə yanaşı Divi də cəzalandırmaq istəyir. Cəlbedici süjeti, rəngarəng tərtibat və geyimləri, cəzbedici musiqisi, maraqlı rejissor yozumu və aktyor ifaları ilə seçilən tamaşaya kiçik yaşlı tamaşaçılar çox böyük maraqla baxırlar.