Bu tədbir QR bilet formasında və ya fiziki bilet olaraq şəhərin kassalarında satılır. QR biletlər tədbir günü aktiv olacaqdır. QR biletlərinizi istifadə etmək üçün iTicket.AZ mobil tətbiqində şəxsi hesabınıza daxil olmalısınız.
QR bilet haqqında daha ətraflı: QR bilet
MUZEY KASSASININ İŞ VAXTI
Noyabr-Fevral ayları
Çərşənbə axşamı – Bazar: 10:00-18:00
Mart-Oktyabr ayları
Bazar Ertəsi – Bazar: 10:00-:20:00
EKSPOZİSİYANIN İŞ VAXTI
Noyabr-Fevral ayları
Çərşənbə axşamı – Bazar: 10:00-19:00
Mart-Oktyabr ayları
Bazar Ertəsi – Bazar: 10:00-:21:00
GİRİŞ BİLETİ
- Yerli və əcnəbi vətəndaşlar üçün (3 dildə bələdçi və audio-bələdçi xidməti
daxil olmaqla) – 10 AZN
- Məktəbli və tələbələr üçün (müvafiq sənəd təqdim edilməklə) – 5 AZN
*10 yaşa qədər uşaqlara giriş ÖDƏNİŞSİZDİR
ÖDƏNİŞSİZ DAXİL OLAN ZİYARƏTÇİLƏRİN SİYAHISI
(müvafiq sənəd təqdim edilməklə)
- Azərbaycanın Milli Qəhrəmanları
- Şəhid ailələri
- Müharibə veteranları
- Muzey işçiləri
- Beynəlxalq Muzeylər Şurasının (ICOM) üzvləri
“SAVALAN” ŞƏRAB MUZEYİ HAQQINDA
“SAVALAN - ASPI Winery” zavodunun ərazisində yerləşən Şərab Muzeyi, qədim şərabçılıq mədəniyyətinin yenidən canlandığı və unikal tarixi eksponatların təqdim olunduğu bir məkandır.
Muzeyin ekspozisiyası qonaqlara şərab mədəniyyəti, yerli terruarın xüsusiyyətləri, şərab istehsalı və şərabçılıq tarixinə maraqlı bir səyahət təqdim edir. Burada həm qədim dövrlərə aid şərab istehsalı texnologiyaları, həm də müasir dövrün innovativ yanaşmaları nümayiş olunur.
Muzeydə, eyni zamanda, Qəbələ rayonu və ətraf bölgələrdə aparılmış arxeoloji qazıntılar nəticəsində tapılan unikal eksponatlarla da tanış ola bilərsiniz. Bu eksponatlar bölgənin zəngin tarixi, üzümçülük və şərabçılıq mədəniyyətinin qədim dövrlərdən bəri inkişafını əks etdirir.
Ziyarətçilər Azərbaycanda və qədim Albaniya ərazisində tapılmış antik qabların və artefaktların surətləri ilə yanaşı, XX əsrin əvvəllərinə aid şərab etiketi kolleksiyasını da görəcəklər. Burada şərab istehsalı prosesi – üzümlüklərin, şüşə butulkaların, çəlləklərin və tıxacların necə yaradıldığını seyr etmək mümkündür.
İnteraktiv instalyasiyalar ekspozisiyanı daha canlı və maraqlı edir, səs effektləri isə Azərbaycanın şərabçılıq bölgələrinin autentik atmosferini yaradırlar.
Muzey kompleksində, həmçinin, Ginnesin Rekordlar Kitabına düşmüş dünyanın ən böyük taxta şərab çəlləyi xüsusi yer tutur. Həcmi 66 579 litr, uzunluğu 4,9 m, diametri isə 4,75 m olan bu çəllək, xüsusi şərab zirzəmisində yerləşir.
Eyni zamanda, muzey kompleksində dequstasiya zalı mövcuddur. Burada “SAVALAN” şərablarının füsünkar dadı ilə tanış ola bilərsiniz.
“SAVALAN” Şərab Muzeyi – tarix, mədəniyyət və dad harmoniyasını hiss edəcəyiniz unikal məkandır.
