4–11 oktyabr 2026-cı il tarixlərində Bakı şəhərində cüdo üzrə böyüklər arasında dünya çempionatı keçiriləcək. Dünyanın ən güclü cüdoçularının mübarizə aparacağı mundial Milli Gimnastika Arenasında təşkil olunacaq.
Kişilər və qadınlar arasında keçiriləcək dünya çempionatı 8 gün davam edəcək. Dünyanın müxtəlif ölkələrindən gələcək nüfuzlu cüdoçular medallar, dünya reytinq xalları və Los-Anceles 2028 Olimpiya Oyunlarına aparan reytinq mövqeləri uğrunda tatamiyə çıxacaqlar.
Çempionatda dünyanın aparıcı cüdoçuları – Balabəy Ağayev (Azərbaycan), Əhməd Yusifov (Azərbaycan), Ayub Bliyev (Rusiya), Ryuju Naqayama (Yaponiya), Luka Mxeidze (Fransa), Giorgi Sardalaşvili (Gürcüstan), Hifumi Abe (Yaponiya), Takeşi Takeoka (Yaponiya), Murad Çopanov (Rusiya), Yeldos Smetov (Qazaxıstan), Ruslan Paşayev (Azərbaycan), Joan-Benjamin Gaba (Fransa), Danil Lavrentev (Rusiya), Laşa Şavdatuaşvili (Gürcüstan), Tatsuki İşihara (Yaponiya), Hidayət Heydərov (Azərbaycan), Yuhei Oino (Yaponiya), Timur Arbuzov (Rusiya), Zelim Tçkayev (Azərbaycan), Somon Maxmadbekov (Tacikistan), Tato Qriqalaşvili (Gürcüstan), Sanşiro Murao (Yaponiya), Laşa Bekauri (Gürcüstan), Luka Maisuradze (Gürcüstan), Zelim Kotsoyev (Azərbaycan), Dota Arai (Yaponiya), İnal Tasoyev (Rusiya), Teddi Riner (Fransa), Lukaş Krpalek (Çexiya), İlya Sulamanidze (Gürcüstan), Tara Babulfath (İsveç), Şirin Bukli (Fransa), Vakana Koqa (Yaponiya), Uta Abe (Yaponiya), Distria Krasniqi (Kosovo), Momo Tamaoki (Yaponiya), Sara-Leoni Sizik (Fransa), Eteri Liparteliani (Gürcüstan), Rafaela Silva (Braziliya), Haruka Kaju (Yaponiya), Şiho Tanaka (Yaponiya), Alis Bellandi (İtaliya), Anna-Monta Olek (Almaniya) və Roman Dikko (Fransa) kimi tanınmış idmançıların iştirakı gözlənilir.
Yarış proqramı
Fərdi yarışlar 4–10 oktyabr tarixlərində keçiriləcək. 11 oktyabrda isə qarışıq komanda yarışları baş tutacaq. 5 oktyabrda çempionatın açılış mərasimi keçiriləcək.
4 oktyabr
Kişilər: -60 kq
Qadınlar: -48 kq
5 oktyabr
Açılış mərasimi
Kişilər: -66 kq
Qadınlar: -52 kq
6 oktyabr
Kişilər: -73 kq
Qadınlar: -57 kq
7 oktyabr
Kişilər: -81 kq
Qadınlar: -63 kq
8 oktyabr
Kişilər: -90 kq
Qadınlar: -70 kq
9 oktyabr
Kişilər: -100 kq
Qadınlar: -78 kq
10 oktyabr
Kişilər: +100 kq
Qadınlar: +78 kq
11 oktyabr
Qarışıq komanda yarışları
Qarışıq komanda yarışında hər komanda 3 qadın və 3 kişi cüdoçudan ibarətdir. Qarşılaşmalar 6 çəki dərəcəsi üzrə keçirilir:
Qadınlar: -57 kq, -70 kq, +70 kq
Kişilər: -73 kq, -90 kq, +90 kq
Hər komanda qarşılaşmasında 4 qələbəyə ilk çatan komanda qalib elan olunur.
Əyləncə proqramı
Dünya çempionatı çərçivəsində yarış günlərində tamaşaçılar üçün xüsusi musiqi və əyləncə proqramı da təşkil olunacaq. Müxtəlif günlərdə Azərbaycanın tanınmış ifaçıları və musiqi qrupları səhnəyə çıxacaqlar.
Konsert proqramının başlama vaxtı: 17:00
4 oktyabr — Murad Arif
6 oktyabr — Orxan Zeynallı
7 oktyabr — Mərdan Kazımov
8 oktyabr — Azad Şabanov
9 oktyabr — Ayaz Babayev
10 oktyabr — Dərviş Band
11 oktyabr — Rilaya
Bilet məlumatı
Biletləri iTicket.az saytı vasitəsilə onlayn, həmçinin şəhərin müxtəlif kassalarından əldə etmək mümkündür. Yarış günlərində Milli Gimnastika Arenasının kassalarında da bilet satışı həyata keçiriləcək.
Dünyanın ən yaxşı cüdoçularının həlledici mübarizələrini canlı izləmək və unudulmaz idman atmosferini yaşamaq üçün bu fürsəti qaçırmayın.
Azarkeşlərin arenaya girişi üçün qapılar saat 09:00-dan etibarən açıq olacaq.
