Lev Tolstoyun “İvan İliçin ölümü” əsəri əsasında hazırlanan bu tamaşa ekspressionist faciə janrında səhnə yozumudur. Quruluş insanın həyat, ölüm və həqiqət qarşısında keçirdiyi daxili sarsıntını araşdırır. Tamaşanın əsas problematikasını insanın özünə, cəmiyyətə və həyatın mahiyyətinə münasibətdə yaşadığı aldanış təşkil edir. Tamaşa zahiri rifahın arxasında gizlənən mənəvi boşluğu və tənhalığı üzə çıxarır. İvan İliçin ölümə doğru yolçuluğu onun öz varlığı ilə amansız hesablaşmasına çevrilir. Bu hesablaşma eyni zamanda insanın vicdanı və Allahın mütləq ədaləti qarşısında mənəvi mühakiməsini ifadə edir. Xəstəlik fiziki əzabdan daha çox mənəvi oyanışın metaforası kimi təqdim edilir. Səhnə həlli ekspressionist estetikaya söykənir və realist təsvir ikinci plana keçir, daxili həqiqət isə əsas ifadə vasitəsinə çevrilir. Simvolik səhnə elementləri insanın zaman və ölüm qarşısındakı acizliyini dərinləşdirir. Hadisələrin inkişafı insanın vicdanı ilə üzləşməsinin dramatik mərhələlərini nümayiş etdirir. Quruluş Tolstoyun fəlsəfi ideyalarını müasir teatr dili ilə yenidən şərh edir. Tamaşa insanın yaşadığı ömrün həqiqi dəyəri, ilahi ədalət qarşısındakı məsuliyyəti və son həqiqətlə üzləşməsi barədə düşünməyə sövq edir. “İvan İliçin ölümü” həyatın mənası, aldanış, vicdanın hökmü, Allahın məhkəməsi və ölümün qaçılmazlığı haqqında dərin fəlsəfi düşüncəyə çağıran səhnə əsəridir.

Bu tədbir QR bilet formasında və ya fiziki bilet olaraq şəhərin kassalarında satılır. QR biletlər tədbir günü aktiv olacaqdır. QR biletlərinizi istifadə etmək üçün iTicket.AZ mobil tətbiqində şəxsi hesabınıza daxil olmalısınız.
QR bilet haqqında daha ətraflı:  QR bilet