Azərbaycan Dövlət Akademik Rus Dram Teatrı öz tarixində ilk dəfə imersiv tamaşa təqdim edir.

Bakı, 1916-cı il. Neft qaydaları diktə edir. Pul mazut və şampan qoxuyur. Teatr və kinematoqraf insan ruhu uğrunda mübahisə aparır. Və böyük aktyor Hüseyn Ərəblinski çəkilişlərin başlamasına 4 gün qalmış yoxa çıxır.

Tamaşanın hadisələri teatrın müxtəlif guşələrində cərəyan edir: quruluşçu rejissor Konstantin Soldatov və aktyorlar Murad Məmmədov ilə Teymur Rəhimov tamaşaçıları Rus Dram Teatrının adətən tamaşaçılara açıq olmayan məkanları ilə tanış edəcəklər.

Siz elə bilirdiniz ki, sadəcə kənardan izləyəcəksiniz? Xeyr, siz axtarışın bir hissəsi olacaqsınız.

Bu, imersiv tamaşadır. Burada siz tamaşaçı deyilsiniz. Siz iştirakçısınız.

TAMAŞAÇILAR ÜÇÜN QAYDALAR

1. Tamaşadan 30 dəqiqə əvvəl gəlin. Tamaşa dəqiq təyin olunmuş vaxtda başlayır. Gecikmək 1916-cı ilin Bakı atmosferini  pozur.
2. Rahat geyinin. Sizi pilləkənlər, dəhlizlər və uzun hərəkət gözləyir. Ayaqqabı yalnız düz altlı olmalıdır, hündürdaban qadağandır.
3. Tamaşa zamanı foto və video çəkiliş qadağandır. Tamaşa bitdikdən sonra aktyorlarla şəkil çəkdirmək mümkün olacaq.
4. Aktyorların yanında danışmayın. Aktyorlar sizdən bir addımlıq məsafədə olacaqlar. Pıçıltılar, gülüş və şərhlər digər  iştirakçıların atmosferə daxil olmasına mane olur.
5. Sağlamlıq vəziyyətinizi nəzərə alın. Tamaşada kəskin səslər, işıq dəyişiklikləri, tam qaranlıq və xüsusi effektlərdən (tüstü)      istifadə olunur. Əgər sizdə epilepsiya, ürək-damar xəstəlikləri varsa və ya hamiləsinizsə, riskləri əvvəlcədən  qiymətləndirin.

Bu tədbir QR bilet formasında və ya fiziki bilet olaraq şəhərin kassalarında satılır. QR biletlər tədbir günü aktiv olacaqdır. QR biletlərinizi istifadə etmək üçün iTicket.AZ mobil tətbiqində şəxsi hesabınıza daxil olmalısınız.
QR bilet haqqında daha ətraflı:  QR bilet