Torpağın Altında Gizlənən Minillik Möcüzə: Qədim Şəmkir Sizi Çağırır!
Azərbaycanın zəngin tarixində elə məkanlar var ki, onlar haqqında oxumaq kifayət etmir, həmin ab-havanı mütləq yerində hiss etmək lazımdır. Vaxtilə ərəb və alban tarixçilərinin heyranlıqla bəhs etdiyi, monqol yürüşlərinə qarşı inadlı müqaviməti ilə yadda qalan Qədim Şəmkir Şəhər yeri məhz belə tarixi məkanlardandır.
Qədim Şəmkir Şəhər yeri Azərbaycanın möhtəşəm və qədim abidələrindən biri hesab olunur. Bu şəhər V–XIX əsrləri əhatə edən uzun tarixi dövrü özündə birləşdirdiyi üçün xüsusi unikallığa malikdir.
Ərəbdilli mənbələrə görə, 854–855-ci illərdə Azərbaycanın valisi olmuş sərkərdə Böyük Buğa əl-Kəbir Şəmkirdə quruculuq və abadlıq işləri aparmış, daha sonra islamı qəbul etmiş xəzərləri və Bərdə tacirlərinin bir qismini buraya köçürmüş və şəhəri xəlifənin şərəfinə Mütəvəkkiliyyə adlandırmışdır.
Hazırda qoruq ərazisində diqqət çəkən əsas tarixi obyektlər:
- Əzəmətli monumental bina
- Saray kompleksi
- Əczaxana
- Gömrük keçid məntəqəsi
- Buzxana
- Hidrotexniki qurğular
- Əsgər kazarması və s.
“Qədim Şəmkir Şəhəri” Dövlət Tarix-Mədəniyyət Qoruğu
Şəmkir çayının sol sahilində, dəniz səviyyəsindən 316 metr yüksəklikdə yerləşən bu qədim şəhər yerində gəzərkən özünüzü orta əsrlərin canlı mərkəzində hiss edirsiniz.
Burada yalnız daş divarları deyil, keçmişin sirlərini də kəşf edirsiniz. Arxeoloji qazıntılar zamanı üzə çıxan zindan qalıqları, əczaxana izləri, Səlcuq dövrünə aid su sistemlərinin mühəndislik nümunələri və müxtəlif maddi-mədəniyyət tapıntıları—sikkələr, sferokonuslar, zoomorf naxışlı saxsı qablar—hər biri öz dövrünün hekayəsini pıçıldayır.
Dünyagörüşünüzü zənginləşdirmək istəyirsinizsə, Qədim Şəmkir Şəhər Yerini ziyarət edin!
Giriş biletləri
Yerli vətəndaşlar üçün - 2 AZN
Xarici vətəndaşlar üçün- 4 AZN
Tələbələr üçün - 1 AZN
Ekskursiya xidməti
Azərbaycan dilində -3 AZN
Əcnəbi dilində -6 AZN
Avtonəqliyyat vasitələri üçün
qoruq ərazisində dayanacaq - 1 AZN (ziyarət müddətində)
“Qədim Şəmkir Şəhəri Dövlət Tarix-Mədəniyyət Qoruğunda kino-film, klip və foto çəkilişləri zamanı istifadəyə görə”
Sənədli, elmi-populyar filmlərin çəkilişi - 200 manat
Bədii filmlərin çəkilişi -500 AZN
Televerilişlərin çəkilişi - 200 AZN
Kliplərin çəkilişi - 1000 AZN
Vertolyotdan çəkiliş - 250 AZN
Tədbirlərin keçirilməsi - 500 AZN
Abidələrin reklam məqsədli çəkilişi - 500 AZN
Fotoreklam üçün çəkilişlər - 500 AZN
Ödəniş haqqı bir iş günü üçün nəzərdə tutulmuşdur (səhər 09:00-dan axşam 18:00-dək)
- BU TƏDBİRƏ ƏLDƏ EDİLƏN BİLETLƏR DƏYİŞDİRİLMİR VƏ YA QAYTARILMIR.
