Çıraqqala–Şabran Dövlət Tarix-Mədəniyyət Qoruğu
Azərbaycanın qədim və zəngin tarixinə şahidlik edən unikal məkanlardan biri də Şabran abidələridir. Böyük Qafqaz dağlarının ətəklərində, mühüm ticarət və karvan yollarının kəsişməsində yerləşən bu bölgə minilliklər boyu öz tarixi irsini qoruyub saxlamışdır.
Yeddi abidəni – Çıraqqala, Qədim Şabran, Gilgilçay səddi, Pir Xəlil türbəsi, Şəhərgah, Qədim Qəbirstanlıq və Çaraqqalanı özündə birləşdirən Çıraqqala–Şabran Dövlət Tarix-Mədəniyyət Qoruğu bu tarixi irsin mühafizəsi, tədqiqi və təbliği ilə məşğul olur.
Bölgənin ən məşhur abidələrindən olan Çıraqqala bəşər tarixinin möhtəşəm müdafiə sistemlərindən biri hesab edilən Gilgilçay səddinin tərkib hissəsidir. V əsrdə inşa edilmiş qala dəniz səviyyəsindən 1232 metr yüksəklikdə yerləşir və əsrlər boyu ətraf ərazilərin təhlükəsizliyinin təmin olunmasında mühüm rol oynamışdır. Təhlükə zamanı baş bürcdə tonqal yandırılaraq ətraf yaşayış məntəqələrinə xəbərdarlıq edilirdi. Hazırda aparılan bərpa və konservasiya işləri səbəbindən abidəyə giriş məhdudlaşdırılmışdır.
Qafqaz Albaniyası dövründə köçəri tayfaların hücumlarının qarşısını almaq məqsədilə tikilmiş Gilgilçay müdafiə səddinin uzunluğu təxminən 120 kilometrdir. Bəzi hissələrdə divarların qalınlığı 8 metrə çatır. Sədd Xəzər dənizinin qərb sahillərindən başlayaraq Böyük Qafqazın strateji keçidlərini əhatə etmiş və bölgənin müdafiəsində mühüm əhəmiyyət daşımışdır.
Qədim Şabran şəhəri Azərbaycanın tarixi-mədəni irsinin ən qiymətli nümunələrindən biridir. Şamaxıdan əvvəl Şirvanşahlar dövlətinin paytaxtı olmuş şəhərin əsası V əsrdə qoyulmuşdur. Arxeoloji qazıntılar nəticəsində şəhərdə onlarla məhəllənin, məscidlərin, sənətkarlıq emalatxanalarının və inkişaf etmiş ticarət şəbəkəsinin mövcud olduğu müəyyən edilmişdir. Şabran uzun müddət iqtisadi, mədəni və strateji mərkəz kimi fəaliyyət göstərmişdir.
Gilgilçay qəsəbəsində yerləşən Pir Xəlil türbəsi XVIII əsr Azərbaycan memarlığının maraqlı nümunələrindən biridir. Rəvayətlərə və tarixi mənbələrə görə, Pir Xəlil Şirvan bölgəsində fəaliyyət göstərmiş tanınmış sufi dərvişi olmuşdur. Onun vəfatından sonra məzarı ziyarətgaha çevrilmiş və yerli əhali tərəfindən müqəddəs məkan kimi qəbul edilmişdir.
Şəhərgah abidəsi isə qədim dövrlərdə strateji müdafiə istehkamı kimi istifadə olunmuşdur. Tədqiqatçılar onun ya Sasani dövlətinin şimal sərhədlərinin müdafiəsi məqsədilə, ya da III əsrdə I Şapurun iqamətgahı kimi inşa edildiyini ehtimal edirlər.
Qoruğun ərazisində yerləşən digər iki abidə – Çıraqqala və Qədim Qəbirstanlıq nisbətən yeni aşkar edildiyindən onların tarixi və funksiyası ilə bağlı araşdırmalar davam etdirilir.
Bu abidələr Azərbaycanın zəngin tarixini, qədim şəhərsalma ənənələrini, müdafiə memarlığını və mədəni irsini yaşadan qiymətli tarixi-mədəni sərvətlərdir.
Giriş biletləri
Yerli vətəndaşlar üçün - 2 AZN
Xarici vətəndaşlar üçün- 4 AZN
Tələbələr üçün - 1 AZN
Ekskursiya xidməti
Azərbaycan dilində -3 AZN
Əcnəbi dilində -6 AZN
Avtonəqliyyat vasitələri üçün
qoruq ərazisində dayanacaq - 1 AZN (ziyarət müddətində)
Çıraqqala–Şabran Dövlət Tarix-Mədəniyyət Qoruğunda kino-film, klip və foto çəkilişləri zamanı istifadəyə görə
Sənədli, elmi-populyar filmlərin çəkilişi - 200 manat
Bədii filmlərin çəkilişi -500 AZN
Televerilişlərin çəkilişi - 200 AZN
Kliplərin çəkilişi - 1000 AZN
Vertolyotdan çəkiliş - 250 AZN
Tədbirlərin keçirilməsi - 500 AZN
Abidələrin reklam məqsədli çəkilişi - 500 AZN
Fotoreklam üçün çəkilişlər - 500 AZN
Ödəniş haqqı bir iş günü üçün nəzərdə tutulmuşdur (səhər 09:00-dan axşam 18:00-dək)
- BU TƏDBİRƏ ƏLDƏ EDİLƏN BİLETLƏR DƏYİŞDİRİLMİR VƏ YA QAYTARILMIR.
QEYD : Bərpa işləri ilə əlaqədar qoruğun Çıraqqala hissəsinə giriş müvəqqəti məhdudlaşdırılıb
