Bu tədbir QR bilet formasında və ya fiziki bilet olaraq şəhərin kassalarında satılır. QR biletlər tədbir günü aktiv olacaqdır. QR biletlərinizi istifadə etmək üçün iTicket.AZ mobil tətbiqində şəxsi hesabınıza daxil olmalısınız.
QR bilet haqqında daha ətraflı: QR bilet
Memarlıq sənətinin nadir incisi olan “Pir Hüseyn Xanəgahı” Bakı şəhərindən 127 km məsafədə, Azərbaycan Respublikasının Hacıqabul rayonu Qubalıbaloğlan kəndi ərazisində, Pirsaat çayının sol sahilində yerləşir. Memarlıq-məkan həllinin mükəmməlliyi, funksional yükün samballılığı baxımından yüksək səviyyəyə malik xanəgah kompleksi Böyük sufi şeyxi Şeyx Əl Hüseyn ibn Əlinin məzarı ətrafında formalaşmışdır.
Ümumiyyətlə, Şirvanda sufi şeyxlərinə məxsus 400-ə qədər xanəgah olmuşdur ki, bunların içində dövrümüzə qədər gəlib çıxan ən böyük xanəgah məhz budur və ziyarətçilərin həmişə sevə-sevə gəldikləri bir məkandır. Xanəgaha əsas özəllik verən onun sərdabə və məscid hissəsindəki kaşı bəzəkləri olmuşdur. Bu bəzəklər müəyyən dövrlərdə erməni daşnaqları tərəfindən məhv edilmiş və ya oğurlanaraq müxtəlif Avropa muzeylərinə satılmışdır. Onların bir neçə parçası qoruq ərazisindən tapılaraq hazırda kompleksdə nümayiş etdirilir.
Bundan əlavə, xanəgahın yerləşdiyi ərazi Pirsaat çayı üzərindəki Pirsaat Su Anbarının ərazisinə düşür və Hacıqabul rayonu üzrə qeydiyyata alınmış 14 tarixi abidənin 7-si məhz bu qoruq ərazisində yerləşir ki, bu da turistlərin daha maraqlı vaxt keçirməsinə səbəb olur.
Qoruq həftənin 7 günü saat 09:00-dan 18:00-dək fəaliyyət göstərir.
- BU TƏDBİRƏ ƏLDƏ EDİLƏN BİLETLƏR DƏYİŞDİRİLMİR VƏ YA QAYTARILMIR.
