Bu tədbir QR bilet formasında və ya fiziki bilet olaraq şəhərin kassalarında satılır. QR biletlər tədbir günü aktiv olacaqdır. QR biletlərinizi istifadə etmək üçün iTicket.AZ mobil tətbiqində şəxsi hesabınıza daxil olmalısınız.
QR bilet haqqında daha ətraflı:  QR bilet

Keşikçidağ Dövlət Tarix-Mədəniyyət Qoruğu

 “Keşikçidağ” Dövlət tarix-mədəniyyət qoruğu Gürcüstan Respublikası ilə sərhəd zonasında yerləşdiyindən, əraziyə səfər etməzdən əvvəl Dövlət Sərhəd Xidmətindən rəsmi icazə alınması mütləqdir. Yalnız icazə əldə edildikdən sonra bilet alınması tövsiyə olunur.

“Keşikçidağ” mağaralar kompleksi Azərbaycan Respublikasının şimal-qərb bölgəsində, Ağstafa rayonunun Gürcüstan Respublikası ilə sərhəd zolağında yerləşir. 2005-ci il oktyabrın 12-də bu ərazidə yerləşən sərhəd zastavalarının açılış mərasimində iştirak edən Azərbaycan Respublikasının Prezidenti cənab İlham Əliyev kompleksin unikal relyefi və zəngin arxeoloji irsi ilə tanış olmuşdur. Bu tarixi-mədəni abidələrin qorunub saxlanması məqsədilə Prezidentin 19 dekabr 2007-ci il tarixli, 2563 nömrəli sərəncamı ilə Keşikçidağ mağaralar kompleksinin bir hissəsi “Keşikçidağ” Dövlət tarix-mədəniyyət qoruğu elan edilmişdir.

Neotektonik proseslər nəticəsində formalaşmış sıldırım qayalar boyunca yerləşən bu kompleks təbii və süni şəkildə yaranmış mağaralardan ibarətdir. Qədim dövrlərdə insanlar bu mağaralardan vəhşi heyvanlardan və sərt iqlim şəraitindən qorunmaq üçün sığınacaq kimi istifadə etmişlər. Qoruq ərazisi Ağstafa rayon mərkəzindən təxminən 75 km məsafədə, son yaşayış məntəqəsindən 28 km şimal-şərqdə, dəniz səviyyəsindən 750–950 metr yüksəklikdə yerləşir və Gürcüstanla sərhəd boyunca təxminən 25 km uzanır.

Kompleks ərazisində yerləşən tarixi, arxeoloji və memarlıq abidələrinin tarixi daş dövrünə qədər gedib çıxır. Burada strateji baxımdan mühüm mövqedə yerləşən “İlham Əliyev adına zirvə”, müdafiə məqsədilə inşa edilmiş, 11 metr hündürlüyündə üçmərtəbəli Keşikçiqala, bir-birindən təxminən 1500 metr aralı yerləşən iki alban məbədi, 150-dən çox kurqan, 76 təbii və süni mağara, 36 freska, 23 su quyusu, 12 ərzaq anbarı, 29 sığınacaq, müqəddəs sayılan Qüdrət bulağı və 6 açıq yaşayış düşərgəsi mövcuddur.

Keşikçidağa səyahət edərkən mağaralar kompleksinə çatana qədər yol boyunca Orta Tunc dövründən Dəmir dövrünə qədər aid olan təxminən 150 kurqan (qəbir abidəsi) ilə tanış olmaq mümkündür. Bu kurqanlar qədim tayfaların dəfn adətlərini, sosial quruluşunu və inanclarını öyrənmək baxımından çox böyük əhəmiyyət daşıyır.

Qeyd: İcazə alındıqdan sonra “İlham Əliyev adına zirvə” istiqamətində yerləşən mağaralara səyahət mümkündür. Lakin Keşikçiqala və məbədlər istiqaməti sıldırım və keçilməsi çətin qayalıq relyefə malik olduğundan, təhlükəsizlik baxımından həmin ərazilərə səyahət mümkün deyil.

Diqqət!

“Keşikçidağ” Dövlət tarix-mədəniyyət qoruğunun ərazisi Ağstafa rayon mərkəzindən təxminən 75 km məsafədə yerləşir. Qoruq Gürcüstan Respublikası ilə sərhəd zonasında yerləşdiyinə görə ərazidə elektrik enerjisi və mobil rabitə şəbəkəsi mövcud deyil.

Bu səbəbdən qoruğa səfər etmək istəyən turistlər giriş biletlərinin yoxlanılması və qeydiyyat prosedurlarının həyata keçirilməsi üçün əvvəlcədən qoruğun inzibati binasına — Ağstafa şəhəri, H.Əliyev prospekti 10 ünvanına müraciət etməlidirlər.

Giriş biletləri

Yerli vətəndaşlar üçün - 2 AZN
Xarici vətəndaşlar üçün- 6 AZN
Tələbələr üçün - 1 AZN

Ekskursiya xidməti

Azərbaycan dilində -3 AZN
Əcnəbi dilində  -6 AZN

Avtonəqliyyat vasitələri üçün
qoruq ərazisində dayanacaq - 1 AZN (ziyarət müddətində)

“Keşikçidağ Dövlət Tarix-Mədəniyyət Qoruğunda kino-film, klip və foto çəkilişləri zamanı istifadəyə görə”

Sənədli, elmi-populyar filmlərin çəkilişi - 200 manat

Bədii filmlərin çəkilişi -500 AZN

Televerilişlərin çəkilişi - 200 AZN

Kliplərin çəkilişi - 1000 AZN

Vertolyotdan çəkiliş - 250 AZN

Tədbirlərin keçirilməsi - 500 AZN

Abidələrin reklam məqsədli çəkilişi - 500 AZN

Fotoreklam üçün çəkilişlər - 500 AZN