Bu tədbir QR bilet formasında və ya fiziki bilet olaraq şəhərin kassalarında satılır. QR biletlər tədbir günü aktiv olacaqdır. QR biletlərinizi istifadə etmək üçün iTicket.AZ mobil tətbiqində şəxsi hesabınıza daxil olmalısınız.
QR bilet haqqında daha ətraflı:  QR bilet

Orta əsr Ağsu şəhəri Dövlət Tarix-Mədəniyyət Qoruğu

Orta əsrlərin canlı tarixini yerində hiss etmək istəyirsiniz? O zaman Orta əsr Ağsu şəhəri Dövlət Tarix-Mədəniyyət Qoruğu sizi keçmişə səyahətə dəvət edir!

Ağsu rayonu, Ülgüc kəndi ərazisində yerləşən bu qədim şəhər 1735-ci ildə Nadir şahın əmri ilə Cəlalabad adı altında salınmışdır. XVIII əsrdə həm əhalisinin sayına, həm də ərazisinə görə Azərbaycanın ən böyük şəhəri olmuş və bir müddət ölkənin paytaxtı kimi tarixə düşmüşdür.

2010–2015-ci illərdə aparılmış arxeoloji qazıntılar nəticəsində daş döşənmiş küçələr, su və kanalizasiya xətləri, tullantı quyuları, sənətkarlıq emalatxanaları və digər şəhər infrastrukturu qalıqları aşkar edilmişdir. Bu tapıntılar Ağsunun öz dövrü üçün yüksək şəhərsalma mədəniyyətinə malik olduğunu göstərir.

Hazırda qoruq ərazisində ziyarətçilər üçün:

Buzxana

Cümə məscidi

Sənətkarlıq məhəlləsi

Hamam kompleksi fəaliyyət göstərir.

Qonaqlar burada orta əsrlər həyat tərzini əks etdirən metal, keramika, sümük və dəri materiallarından hazırlanmış eksponatlarla tanış ola, qədim şəhər mühitini yaxından hiss edə bilərlər.

Tarixin izləri ilə addımlamaq, arxeoloji irsimizi canlı şəkildə kəşf etmək üçün Orta əsr Ağsu şəhərinə səfər edin!

Giriş biletləri:

• Tələbələr üçün — 1 AZN

• Məktəblilər üçün — 0.20 Qəpik

• Yerli və xarici vətəndaşlar üçün — 2 AZN
  
  

Ekskursiya xidməti (1 qrup – 25 nəfərədək):

• Tələbələr üçün — 3 AZN

• Məktəblilər üçün — 1 AZN

• Yerli və xarici vətəndaşlar üçün — 5 AZN 

Ödəniş haqqı bir iş günü üçün nəzərdə tutulmuşdur (saat 09:00-dan 18:00-dək).

• BU TƏDBİRƏ ƏLDƏ EDİLƏN BİLETLƏR DƏYİŞDİRİLMİR VƏ YA QAYTARILMIR.